26 maja zaczałë sa Kaszëbsczé Dni w naju bibliotece. Céla taczégo dzejaniô je przëbôczenié szkołownikom a szkólnym kaszëbsczi tradicje, historie Kaszëb a téż obeznôwanié szkolników z lëdzama, chtërny gôdają a piszą po kaszëbsku, wësziwają.

Najima goscama są:

– Róman Drzéżdżón – poéta, prozajik, satirik ë kaszëbsczi felietónista, wespółzakłôdca Kaszëbsczégo Kabaretu „Fif”. Wespółrobotnik cządników: Gazeta Nadmorska, Norda – dodôwk do Dziennika Bałtyckiego, Kaszëbskô Odroda, Pomerania, Stegna. Nôleżnik Radzëznë Kaszëbsczégo Jazëka.

– Józef Roszman – znóny powiôdôjk, przëczińca konkursu „Bë nie zabëc mowë starków”, rogownik.

– Élżbiéta Mirończuk – wësziwôrka, chtërna ju trzëdzescë lat wësziwô a uczi młodëch tego kuńsztu.